A Short Story of Mullah Nasreddin in the Anbarāni Dialect of the Talyshi Language: Text,Translation, Glossary and Comments

Ամփոփում

Թալիշերենը, որը պատկանում է հյուսիսարևմտյան իրանական լեզուների խմբին, ներառում է մեծ թվով բարբառներ ու խոսվածքներ, որոնք մի շարք հնչյունաբանական, քերականական և բառապաշարային առանձնահատկությունների հիման վրա ավանդաբար բաժանվում են բարբառային երեք հիմնական խմբի՝ հյուսիսային, կենտրոնական և հարավային: Անբարանի բարբառը հյուսիսթալիշական բարբառ է, որը խոսվում է Իրանի Արդեբիլ նահանգի (օսթան) Նամին շրջանի (շահրեսթան) Անբարան ենթաշրջանում (բախշ)՝ Անբարան քաղաքում և հարակից գյուղերում: Հյուսիսային թալիշերենի վերաբերյալ եղած ուսումնասիրությունների մեծ մասը նվիրված է Ադրբեջանի Հանրապետության տարածքում խոսվող բարբառներին: Օրինակ՝ հայտնի իրանագետ, թալիշագետ Բորիս Միլլերի «Թալիշական տեքստեր» արժեքավոր աշխատանքը ընդգրկում է կարճ պատմվածքներ, անեկդոտներ, երկխոսություններ, բանաստեղծություններ՝ գրի առնված այս բարբառներով: Ի տարբերություն ադրբեջանաբնակ թալիշների բարբառների և խոսվածքների՝ Անբարանի բարբառը համեմատաբար շատ ավելի քիչ է ուսումնասիրված, ուստի այս բարբառով հրապարակված տեքստերի թիվը բավականին փոքր է: